Alam mo ba na sa 6.8 bilyon na populasyon ng tao sa mundo, 2.6 bilyon lang ang cute? At kung ihihiwalay ang mga batang cute edad mula 1-12 taon na may populasyong 2 bilyon, ibig sabihin, 600 milyon lang ang nga cute na nasa edad pataas. Pero hindi naman kasama dito yung mga magaganda at gwapo na may populasyon lang na 108,796,755.51 (yung isa kasing maganda, nasunog yung kalahating mukha at yung isa namang gwapo, tinubuan ng tigyawat kaninang umaga lang kaya may butal.)
Sa Pilipinas naman, tinatayang sa 600 milyong cute sa mundo (hindi na kasama ang mga bata), 18,684,042 ang mga Pilipinong cute edad pataas. Nabawasan pa nga ng apat yan kasi nagparetoke sila ng mukha nung isang linggo. Kaya naisip mo ba kung gaano din kadami ang nga Pilipino na cute??!
At alam mo ba na sa bilang na ito ng mga cute na Pilipino:
30% lang ang nakakaalam na cute sila,
10% naman ang di alam na cute sila at,
62% ang hindi din alam, o hindi matanggap na cute sila dahil feeling
o akala nila ay maganda o gwapo sila
(oo, alam ko sobra ng dalawa. Ang kulit kasi ng dalawang yun, katsura na nga mga mukha, pinipilit pang mga cute sila, pinagbigyan ko na nga...)
Source: Kunwakunwaring Survey, Inc.
