Eh Kasi Bata!

Isang araw, may dalawang batang nag-aaway...

Yanna: Akala mo naman kung sino ka diyan, ang yabang-yabang mo!

Duran: Ay! Hindi po kami mayaman!

Yanna: Bakit may sinasabi ba akong mayaman ka?! Kabobo, eh!

Duran: Walang taong bobo, tanga lang! Katanga mo talaga!

Yanna: Bakit mo ako minumura? Bakit pinapalamon mo ba ako???

Duran: Bakit sinasabi ko ba?! Porke mayaman lang kayo!

Yanna: Porke may computer lang mayaman na ba yun?! Kayo, ah!
Porke dumating lang yung ate mo galing Japan!

Duran: O, talaga, mayaman kami!

Yanna: Wuh! Mayabang talaga yung malaking tikbalang, eh!

Duran: Tang*na mo!

Yanna: Weh! Nagmumura! Puputulin ni Lord yung dila mo, lagot ka!!!

Duran: (napikon, binato si Yanna)

Yanna: (umiyak, patulo-tulo pa ang sipon) Akala mo! Pag nabagok
yung ulo ko may pampadoktor ka ba??? Kala mo
kamahal-mahal magpaospital!

Duran: Mayaman kaya kami!

Yanna: Uhm, mayabang! Isusumbong kita sa Papa ko!

Duran: Di magsumbong ka! Gusto mo samahan pa kita, eh! Hawakan
ko pa yung tenga ng Tatay mong supot!

Yanna: Wuh, mayabang! Kala mo, isusumbon kita sa Papa ko,
babarilin ka niya!

Duran: Eh, anu ngayon??! Pabaril ko pa sa kanya si Rizal!

Yanna: Weh!!! Pati patay dinadamay n'ya, eh! Mamaya multuhin ka nun!


(dumating ang isang batang iyakin at sumbungero...)

Duran: Uy, andyan na yung batang sumbungero, o!

Yanna: Bakit, ah???

Duran: Kahapon, naglalaro kami ng touch ball, natamaan lang umiyak na!
Nagsumbong sa Tatay n'ya, kinuha tuloy yung bola!

Yanna: Sumbungero talaga yan, ay!

Duran: Kaya nga! 'Wag nating bati!

Yanna: Oo! Tara na nga, para walang kalaro yung batang sumbungero!

(naiwan ang batang sumbungero na extra lang sa kwento
at nagbati na ang dalawang batang nag-aaway...)