A Song Lyric For Roman

Just finished this song before the twilight. Paulit-ulit ko pang nireview yung mga words at yung measure. Palitan mo na lang yung mga trip mong palitan. At sana magawan niyo nga ng arrangement to'...


Title: Shooting Rainbow

I
Nakapatong pa rin ang lungkot sa iyong payong
Di tuloy matanaw ang liwanag ng umaga
Sa kabila ng pagbuhos ng ulan, sa magdamag na puwang
Tuwid pa rin ang estatwa mo

Refrain
Di naman talaga kailangang magsaya
Pawiin lang ang pagbuhos ng ulan sa'yong mga mata
At sa pagsara ng payong mo ay malasin ang pagtila

Chorus
(At guguhit/Gumuguhit) ang mga kulay sa kalangitan
Taglay ang aliwalas ng paglipas na nilisan
Na paulit-ulit nagbabalik
Ngunit ngayo'y susupilin ng kubang bahaghari

II
Nanghaharana ngayon ang daliri na kanina
Sumasahod sa alulod ng iyong payong
Kasama ka, tupi ang mga batok at nakatunganga
Hanggang mapanis ang laway ko

Bridge
Hindi man ako,
kasing-kulay niya,
kasing-tingkad niya,
kasing-nais ng iyong mga mata
Mananatili lang
At ako'y magmamasid
Kahit paulit-ulit,
magpabalik-balik
Ang pagbuhos ng ulan...

Chorus2
At gumuguhit ang mga kulay sa kalangitan
Taglay ang pagkagiliw na hahawa sa labi mo
At guguhit ang ngiti at aliwalas
Na sa panalangin ko'y sana'y ako ang 'yong bahaghari...